संघर्षक्रांती वृत्तवेध - श्रीगोंदा 

दि.12 फेब्रुवारी 2026

(उज्वला उल्हारे)

सद्गुरु कृषी महाविद्यालय मिरजगाव येथील राष्ट्रीय सेवा योजना (NSS) वतीने आयोजित विशेष श्रमसंस्कार शिबिराचे उद्घाटन आज उत्साहपूर्व वातावरणात पार पडले. हे शिबिर अरणगाव ,तालुका- जामखेड येथे दिनांक ११ फेब्रुवारी २०२६ ते १७ फेब्रुवारी २०२६ या कालावधीमध्ये आयोजित केलेले आहे. उद्घाटनाच्या कार्यक्रमासाठी  कार्यक्रमाच्या अध्यक्षस्थानी मा.डॉ.सीताराम ससाणे (संचालक कृषी उत्पन्न बाजार समिती जामखेड) तर प्रमुख पाहुणे म्हणून श्री.ॲड.संजय पारे ( सरपंच, आरणगाव) श्री संतोष निगुडे (मा. सरपंच) श्री लहू शिंदे (सामाजिक कार्यकर्ते )श्री. अतुल सोनवणे (सामाजिक कार्यकर्ते ) श्री. अमोल दळवी (अध्यक्ष शाळा व्य.समिती), सदगुरू कृषि महाविद्यालयाचे प्राचार्य. डॉ. रामदास बिटे आणि गावातील  नागरिक व शेतकरी बांधव उपस्थित होते. 

कार्यक्रमाची सुरुवात दीप प्रज्वलनाने व प्रतिमापूजनाने करण्यात आली. या कार्यक्रमाच्या प्रमुख पाहुण्यांनी आपल्या भाषणात नॉट मी बट यु या NSS च्या ब्रीद वाक्याचा उल्लेख करत विद्यार्थ्यांना समाजसेवेचे महत्त्व पटवून दिले त्यांनी ग्रामविकास स्वच्छता आणि पर्यावरण संवर्धनासाठी युवकांनी पुढाकार घ्यावा असे आवाहन केले. तसेच कार्यक्रमाचे अध्यक्ष यांनी आपल्या मनोगतामध्ये  NSS स्वयंसेवकांना शिस्तप्रिय राहून आपली उन्नती कशी साधता येते याबाबत अनेक उदाहरण देऊन समजून सांगितले व कृषी शिक्षणाबरोबर समाजसेवेचा हा उपक्रम स्तुत्य वाटला. रा. से. यो. चे कार्यक्रम अधिकारी प्रा. बाळासाहेब पारखे सर यांनी शिबिराचा उद्देश आणि आगामी सात दिवसांतील उपक्रमांची माहिती दिली या शिबिरात स्वच्छता अभियान,  वृक्षारोपण,  जनजागृती रॅली, विविध विषयावरील व्याख्याने, आरोग्य शिबिर आदी उपक्रम राबविण्यात येणार आहेत.  या कार्यक्रमासाठी मोठ्या संख्येने ग्रामस्थ, व NSS स्वयंसेवक,शिक्षक वृंद, उपस्थित होते.  डॉ. प्रियांका दहीवले व डॉ. प्रियांका जाधव यांनी स्वयंसेवकांना मार्गदर्शन केले.या कार्यक्रमाचे सूत्रसंचालन डॉ. सागर कारंडे यांनी केले तसेच कार्यक्रमाचे आभार प्रदर्शन श्री. तेजस गायकवाड यांनी केले.