संघर्षक्रांती वृत्तवेध - श्रीगोंदा 

दि.20 फेब्रुवारी 2026

(उज्वला उल्हारे)

अहिल्यानगर जिल्ह्यातील श्रीगोंदा शहरात छत्रपती शिवाजी महाराज यांच्या जयंतीनिमित्त विविध ठिकाणी अभिवादन, पूजन आणि सांस्कृतिक कार्यक्रमांचे भव्य आयोजन करण्यात आले. ऐतिहासिक स्मृतींना उजाळा देत स्थानिक नागरिक, सामाजिक संघटना, लोकप्रतिनिधी आणि प्रशासकीय अधिकारी मोठ्या संख्येने सार्वजनिक ठिकाणी एकत्र आले होते.

शहरातील प्रमुख जोधपूर मारुती चौक येथे शिवकन्या आणि प्रशासकीय अधिकाऱ्यांच्या हस्ते शिवरायांच्या प्रतिमेचे विधिवत पूजन करण्यात आले. प्रतिमेस पुष्पहार अर्पण करून अभिवादन करण्यात आले. या प्रसंगी माजी मंत्री बबनराव पाचपुते, परिक्रमा शैक्षणिक संकुलाच्या अध्यक्षा डॉ. प्रतिभाताई पाचपुते, नगराध्यक्षा सुनीताताई खेतमाळीस, उपनगराध्यक्षा अलकाताई अनुभुले, माजी आमदार राहुल जगताप, युवानेते दिग्विजय नागवडे, माजी नगराध्यक्ष मनोहर पोटे, शुभांगी पोटे, नगरसेविका मिरा शिंदे, प्रशांत गोरे, सीमाताई गोरे, अमीन शेख, बापूशेठ माने,भाजपा उपाध्यक्ष राजेंद्र उकांडे , संजय खेतमाळीस, पत्रकार गायत्री ढवळे ,संभाजी ब्रिगेडचे जिल्हाध्यक्ष अरविंद कापसे आदी मान्यवर उपस्थित होते.

यावेळी तहसीलदार सचिन डोंगरे, गटविकास अधिकारी तसेच पोलीस निरीक्षक किरण शिंदे यांनीही सक्रिय सहभाग घेतला. राजकीय, सामाजिक, शैक्षणिक आणि आध्यात्मिक क्षेत्रातील प्रतिनिधींनी उपस्थित राहून शिवरायांना अभिवादन केले.

शिवजन्मोत्सव समितीच्या अध्यक्षा मीराताई खेंडके आणि उपाध्यक्षा चेतना मांगडे यांच्या नेतृत्वाखाली नेत्रदीपक कार्यक्रमाचे आयोजन करण्यात आले होते. समितीचे सदस्य नाना शिंदे, दीपक मखरे, गणेश पारे, श्याम जरे, दिलीप लबडे, राजेंद्र राऊत आदी उपस्थित होते. कार्यक्रमाचे सूत्रसंचालन सुनील ढवळे आणि बालू मखरे यांनी केले.

शिवजयंतीनिमित्त शहरात विविध सांस्कृतिक आणि क्रीडा स्पर्धांचे आयोजन करण्यात आले. वेशभूषा स्पर्धा, गायन स्पर्धा, रांगोळी स्पर्धा तसेच मॅरेथॉनमध्ये विद्यार्थी आणि युवकांचा उत्स्फूर्त सहभाग दिसून आला. शालेय व महाविद्यालयीन विद्यार्थ्यांनी शिवाजी महाराजांच्या जीवनकार्यावर आधारित सादरीकरणे करून उपस्थितांची मने जिंकली.

कायदा व सुव्यवस्था राखण्यासाठी स्थानिक पोलीस प्रशासनाने कडेकोट बंदोबस्त ठेवला होता. प्रशासनाच्या माहितीनुसार, सर्व कार्यक्रम शांततेत आणि नियोजनबद्ध पद्धतीने पार पडले.

दरवर्षी १९ फेब्रुवारी रोजी महाराष्ट्रात शिवजयंती साजरी केली जाते. श्रीगोंद्यातील या उत्सवातून ऐतिहासिक वारशाबद्दलचा आदर, सामाजिक एकजूट आणि युवकांमधील प्रेरणादायी भावना स्पष्टपणे दिसून आली.