संघर्षक्रांती वृत्तवेध - श्रीगोंदा 

दि.14 फेब्रुवारी 2026

(उज्वला उल्हारे)

 रयत शिक्षण संस्थेच्या नामांकित महाराजा जिवाजीराव शिंदे महाविद्यालय श्रीगोंदा येथे प्रभारी प्राचार्यपदी प्रो. डॉ. प्रकाश निवृत्ती साळवे यांची नियुक्ती झाली आहे . ते महाराजा जिवाजीराव शिंदे महाविद्यालयात उपप्राचार्य व भूगोल विभाग प्रमुख काम पाहत होते. सावित्रीबाई फुले पुणे विद्यापीठात भूगोल विषयाचे पीएच.डी.चे ते मार्गदर्शक आहेत. संशोधनाची दृष्टी असणारे ते संशोधक अभ्यासक आहेत. त्यांनी सहा ग्रंथांचे लेखनही केले आहे. त्यांच्या नावावर दोन पेटंट प्रसिद्ध झाले आहेत. त्यांचे राष्ट्रीय आंतरराष्ट्रीय मान्यताप्राप्त जर्नलमध्ये विविध विषयांवर संशोधनपर लेख प्रसिद्ध झाले आहेत. अनेक राष्ट्रीय आंतरराष्ट्रीय परिषदांमध्ये त्यांनी तज्ञ व्यक्ती म्हणून भाग घेतला आहे. त्यांनी शैक्षणिक व सामाजिक क्षेत्रात उल्लेखनीय कार्य केल्याबद्दल त्यांना पुरस्कारही प्राप्त झाले आहेत. विवेक वाहिनी अंतर्गत वारसा समाज सुधारकांचा या विषयावर त्यांनी समाज प्रबोधनपर अनेक व्याख्याने दिली आहेत. ते पर्यावरण प्रेमी आहेत.

त्यांच्या या नियुक्तीबद्दल महाविद्यालय विकास समितीचे चेअरमन माजी मंत्री बबनराव पाचपुते, जिल्हा परिषद माजी अध्यक्ष मा. बाबासाहेब भोस, मॅनेजिंग कौन्सिल सदस्य , महाविद्यालय विकास समितीचे सदस्य मा.आ.राहुलदादा जगताप , महावीर पटवा, कर्मवीर भाऊराव पाटील विद्यापीठाचे कुलगुरू डॉ. ज्ञानदेव म्हस्के, परिक्रमा संकुलाच्या प्रमुख डॉ . प्रतिभाताई पाचपुते, उपनगराध्यक्ष सौ. अलकाताई अनभूले, प्राचार्य दिलीप भुजबळ, माजी प्राचार्य  डॉ. महादेव जरे, डॉ.अनिल घोडके,रयत संकुलाचे सर्व शाखाप्रमुख, शिक्षणप्रेमी नागरिक, उपप्राचार्य,  सर्व विभागप्रमुख, प्राध्यापक, शिक्षकेतर सेवक इत्यादींनी त्यांचे अभिनंदन केले. व त्यांना भावी वाटचालीसाठी शुभेच्छा दिल्या.