संघर्षक्रांती वृत्तवेध - श्रीगोंदा 

दि.18 जानेवारी 2026

(उज्वला उल्हारे)

शालेय शिक्षण व क्रीडा विभाग, क्रीडा व युवक सेवा संचालनालय, पुणे अंतर्गत जिल्हा क्रीडा परिषद व जिल्हा क्रीडा अधिकारी, अहिल्यानगर यांच्या संयुक्त विद्यमाने आयोजित पुणे विभागीय स्तरीय थांग-ता मार्शल आर्ट स्पर्धा दिनांक १७ जानेवारी २०२६ रोजी यशस्वीरित्या पार पडल्या.

या स्पर्धेत वेंकटेश पोदार लर्न स्कूल, श्रीगोंदा येथील १२ विद्यार्थ्यांनी सहभाग नोंदवला असून सर्व १२ विद्यार्थ्यांची राज्यस्तरीय स्पर्धेसाठी निवड झाली आहे. ही शाळेसाठी अत्यंत अभिमानास्पद कामगिरी ठरली आहे.

स्पर्धेच्या उद्घाटनप्रसंगी जिल्हा क्रीडा अधिकारी कार्यालय, अहिल्यानगर येथील क्रीडा मार्गदर्शक श्री. प्रविण कोंढावळे  व इतर मान्यवर उपस्थित होते. त्यांनी विजयी खेळाडूंना पुढील स्पर्धेसाठी शुभेच्छा दिल्या.

या यशाबद्दल शिक्षण संचालक श्री. आनंद शहा सर तसेच सर्व ट्रस्ट सदस्यांनी विद्यार्थ्यांचे व क्रीडा शिक्षक श्री. बळे सर यांचे मनःपूर्वक अभिनंदन केले. विद्यार्थ्यांच्या या यशामागे क्रीडा शिक्षकांचे मार्गदर्शन, मेहनत व सातत्यपूर्ण सराव महत्त्वाचा ठरल्याचे मत व्यक्त करण्यात आले.

राज्यस्तरीय स्पर्धेतही विद्यार्थ्यांनी उत्कृष्ट यश मिळवावे, अशा शुभेच्छा शाळेच्या वतीने देण्यात आल्या.