संघर्षक्रांती वृत्तवेध - श्रीगोंदा 

दि.18 जानेवारी 2026

(उज्वला उल्हारे)

आमदार विक्रमदादा पाचपुते यांच्या दूरदृष्टीतून नुकतीच श्रीगोंदा नगरपरिषदेच्या नामनिर्देशित नगरसेवक पदावर निवड झाल्याबद्दल उद्योगपती महावीर पटवा तसेच दै. सिटीझनचे संपादक व श्री संत शेख महंमद महाराज मंदिर ट्रस्टचे अध्यक्ष अमीनभाई शेख यांचा संघर्षनामा प्रिंट अँड इलेक्ट्रॉनिक मीडिया, महाराष्ट्र राज्य यांच्या वतीने गौरव करण्यात आला.

या प्रसंगी संघर्षनामाचे मुख्य संपादक मेजर भिमराव उल्हारे व संघर्षक्रांती न्यूज 24 च्या संचालिका उज्वला उल्हारे यांच्या हस्ते महावीर पटवा व अमीनभाई शेख यांना शाल व सन्मानचिन्ह प्रदान करून सन्मानित करण्यात आले.

यावेळी बोलताना मान्यवरांनी सांगितले की, नगरपरिषदेत सामाजिक जाणिव असलेले, उद्योग, पत्रकारिता व धार्मिक-सामाजिक क्षेत्रात सक्रिय कार्य करणारे व्यक्तिमत्त्व प्रतिनिधी म्हणून निवडले जाणे हे श्रीगोंदा शहराच्या सर्वांगीण विकासासाठी निश्चितच उपयुक्त ठरणार आहे. महावीर पटवा यांचा उद्योगक्षेत्रातील अनुभव आणि अमीनभाई शेख यांचे पत्रकारिता, सामाजिक व धार्मिक क्षेत्रातील योगदान नगरपरिषदेस दिशा देणारे ठरेल, असा विश्वास व्यक्त करण्यात आला.

सन्मान स्वीकारताना महावीर पटवा व अमीनभाई शेख यांनी आमदार विक्रमदादा पाचपुते यांचे आभार मानत, मिळालेल्या संधीचे सोने करत श्रीगोंदा शहराच्या विकासासाठी प्रामाणिक व लोकाभिमुख कार्य करण्याचा संकल्प व्यक्त केला.

 सन्मान  करताना नव्या जबाबदारीसाठी शुभेच्छा देण्यात आल्या व त्यांच्या पुढील वाटचालीसाठी यशाची कामना करण्यात आली.