संघर्षक्रांती वृत्तवेध - श्रीगोंदा 

दि.16 जानेवारी 2026

(उज्वला उल्हारे)

श्रीगोंदा शहराचे ग्रामदैवत संत शेख महंमद महाराज यांच्या मंदिरात आगामी शिवजयंती उत्सवानिमित्त आयोजित करण्यात आलेल्या बैठकीत सार्वजनिक शिवजन्मोत्सव समितीच्या नवीन कार्यकारिणीची बिनविरोध निवड जाहीर करण्यात आली. यामध्ये अध्यक्षपदी मीरा खेंडके, उपाध्यक्षपदी चेतना मांगडे, सचिवपदी सुनील ढवळे तर खजिनदारपदी बालूदादा मखरे यांची बिनविरोध निवड करण्यात आली.

यावेळी नवनिर्वाचित अध्यक्ष मीरा खेंडके व इतर पदाधिकाऱ्यांचा तसेच नगरसेवक श्रीकृष्ण धुमाळ, सोनूदादा कोथिंबीरे, अनिल महाराज औटी यांचा सत्कार समितीचे मावळते अध्यक्ष बालूदादा मखरे यांच्या हस्ते करण्यात आला. बैठकीचे प्रास्ताविक अरविंद कापसे यांनी केले तर आभार प्रदर्शन बालूदादा मखरे यांनी मानले.

या बैठकीस माजी नगरसेवक सतीश मखरे, नितीन सोनवणे, आप्पासाहेब सोनवणे, रमण सोनवणे, अर्जुन सोनवणे, राजाभाऊ जगताप, शिवाजी शेळके यांच्यासह सार्वजनिक शिवजन्मोत्सव समितीचे सदस्य अरविंद कापसे, पत्रकार राजेंद्र राऊत, नाना शिंदे, दीपक मखरे, आजीज शेख, गणेश पारे, दिलीप लबडे, इंजि. शाम जरे आदी मान्यवर उपस्थित होते.

प्रास्ताविकात अरविंद कापसे यांनी सांगितले की, यावर्षीचा शिवजयंती उत्सव नेहमीप्रमाणे भव्यदिव्य स्वरूपात साजरा करण्यात येणार आहे. यामध्ये शिवप्रतिमा पूजन, पालखी मिरवणूक, मॅरेथॉन स्पर्धा, रांगोळी स्पर्धा, छत्रपती बाईक रॅली, ढोल पथक, लेझीम पथक, झांज पथक, शिवकालीन शस्त्रविद्या, कराटे प्रात्यक्षिक, विविध सांस्कृतिक कार्यक्रम तसेच महात्मा फुले सर्कल येथे दीपोत्सव अशा अनेक उपक्रमांचे आयोजन करण्यात येणार आहे.

या भव्य उत्सवाला तालुक्यातील राजकीय, सामाजिक क्षेत्रातील नेते, पदाधिकारी, कार्यकर्ते, आजी-माजी नगरसेवक, सर्व सरपंच, उपसरपंच, चेअरमन तसेच तमाम शिवप्रेमी मोठ्या संख्येने उपस्थित राहणार असल्याची माहिती त्यांनी दिली.

दरम्यान, सार्वजनिक शिवजन्मोत्सव समितीच्या अध्यक्षपदी मीरा खेंडके तसेच उपाध्यक्ष चेतना मांगडे, सचिव सुनील ढवळे व खजिनदार बालूदादा मखरे यांची बिनविरोध निवड झाल्याबद्दल सामाजिक, राजकीय, शैक्षणिक क्षेत्रातील मान्यवरांसह सर्व स्तरातील नागरिकांकडून त्यांच्यावर अभिनंदनाचा वर्षाव होत आहे.