संघर्षक्रांती वृत्तवेध - श्रीगोंदा 

दि. 24 मार्च 2026

(उज्वला उल्हारे)

गुणवडी ता. नगर, जि. अहमदनगर गुणवडी उत्कर्ष न्यास (गुण) यांच्या वतीने नगर-श्रीगोंदा विधानसभा मतदारसंघाचे तरुण, तडफदार व लोकप्रिय आमदार अ‍ॅड. विक्रमसिंह (दादा) पाचपुते यांचा सत्कार सोहळा मोठ्या उत्साहात पार पडला. प्रयास आपल्या गुणवडी गावाच्या उत्कर्षाचा या ध्येयाने प्रेरित या कार्यक्रमास ग्रामस्थांचा उत्स्फूर्त प्रतिसाद लाभला.

मुंबई येथील दादर (पूर्व) परिसरातील वसंत स्मृती, दादासाहेब फाळके मार्ग येथे आयोजित या कार्यक्रमात विविध मान्यवरांची उपस्थिती लाभली. सेवानिवृत्त कामगार-अधिकाऱ्यांमध्ये बाबासाहेब महादेव साळवे, दिलीप शिवराम साळवे, विलास शिवराम साळवे, सुनील शिवराम साळवे, मच्छिंद्र नानाभाऊ साळवे, संजय ज्ञानदेव साळवे , सतीश त्र्यंबक सातपुते, अशोक जाधव बाराटे, राजश्री मच्छिंद्र साळवे, यांची उपस्थिती विशेष लक्षवेधी ठरली.

तसेच विशेष उपस्थिती म्हणून सूर्यभान (बापू) नागवडे, महेंद्र शेळके(माजी उपसरपंच), गणेश दिगंबर भागवत, बाळकृष्ण (दादा) साळवे, मनीष सिताराम साळवे, अनिल (खंडू) साळवे व संदीप (बालू) शहाजी शेळके यांनी कार्यक्रमाची शोभा वाढवली. पदवीधर विद्यार्थ्यांमध्ये अ‍ॅड. आदित्य शिवराम साळवे, आकाश मच्छिंद्र साळवे, संकेत मच्छिंद्र साळवे व कु. नम्रता महेंद्र साळवे यांचा सहभागही उल्लेखनीय होता.

या प्रसंगी आमदार पाचपुते यांचा शाल, श्रीफळ व सन्मानचिन्ह देऊन गौरव करण्यात आला. आपल्या भाषणात त्यांनी गुणवडी गावाच्या विकासासाठी कटिबद्ध असल्याचे सांगत, युवकांनी शिक्षण व सामाजिक कार्यात पुढाकार घ्यावा, असे आवाहन केले.

कार्यक्रमाचे अध्यक्षपद बाबासाहेब साळवे यांनी भूषविले. कार्यक्रमाची संकल्पना महेंद्र साळवे यांची असून समन्वयक म्हणून बिजू साळवे व मच्छिंद्र साळवे यांनी परिश्रम घेतले.

एकूणच, गुणवडी गावाच्या प्रगतीसाठी एकत्र येण्याचा संदेश देणारा हा सत्कार सोहळा प्रेरणादायी वातावरणात पार पडला.