संघर्षक्रांती वृत्तवेध - श्रीगोंदा 

दि. 19 मार्च 2026

(उज्वला उल्हारे)

श्री क्षेत्र रांधे नगरी  येथे सर्व दुरवरून स्वामी भक्त श्री क्षेत्र अक्कलकोट ला श्री स्वामी समर्थ महाराजांच्या दर्शनासाठी जातात , तद्वतच श्री क्षेत्र रांधे नगरीत ही भाविक भक्त मोठ्या संख्येने नतमस्तक होत दर्शन घेण्यासाठी येतात , असे गौरवोदगार प्रसिद्ध किर्तनकार हभप अशोक महाराज शिंदे यांनी काढले .

  श्रीक्षेत्र रांधे नगरीत श्री स्वामी समर्थ देवस्थान च्या वतीने श्री स्वामी समर्थ महाराजांच्या प्रकट दिनानिमित्त आयोजित करण्यात आलेल्या स्वामी कथेचे ३ रे पुष्प गुंफताना हभप अशोक महाराज शिंदे पुढे म्हणाले की ,अक्कल असलेले कोट , ते अक्कलकोट होय . शत्रुला कपटाने , मित्राला प्रेमाला , संसाराला पैश्याने जिंकता येते , स्वामीं ची सेवा केल्याने च देव भेटतो . संतांच्या संगतीत आल्यावरच देव भेटतो . प्रत्येकाच्या अंर्तमनात काय चालले आहे , ते स्वामींना कळते . देवस्थान चे संस्थापक अनिलराव आवारींना स्वामींचा साक्षात्कार झाला म्हणून हा स्वामी कथेचा कार्यक्रम संपन्न होत आहे . जसे वारकरी ज्ञानोबा तुकोबा साठी पंढरी च्या विठोबा ला भेटण्यासाठी पंढरपूर ला जातात , तद्वत रांधे येथील सेवेकरी अक्कलकोट ला वारीने जाणार आहेत . शेतकरी नसेल तर , शेतकरी राजा आहे . आई कोणाला ही म्हणत नाही , जिने आयुष्य जगाच्या कल्याणा करिता आपल्या लेकरांना पदरात घेते , ती आई होय . ज्याची आई सोडून गेली , त्याला आईचे महत्व विचारा . ज्यांची आई गेली , त्यांनी स्वामींकडे या , त्यांना आई माना . असेच एक जगाची माऊली म्हणजे ज्ञानोबा माऊली होय तशीच अक्कलकोट चे श्री स्वामी समर्थ माऊली होय . ज्ञानोबा रायांना ही जगाने खूप त्रास दिला . सात्विक अंतकरणाचा भाव असेल , तरच आपण स्वामी पर्यंत पोहचतो . स्वामींचे देणे सोपे नाही , ते देण्यासाठी येतात . तुम्ही आता स्वामींसाठी येता ना , स्वामी ही तुमच्यासाठी येतील . गुरु पारायणा साठी सर्वांनी आले पाहिजे.गुरूं ब्रम्ह , गुरुं विष्णू , परब्रम्ह.भक्त आल्यावर स्वामींना आनंद होत असेल .

    लोकं मोठमोठ्या भारी गाड्या घेऊन स्वामींच्या दर्शनाला जातात आणि फार काम असल्याचा , वेळ नसल्याचा आव आणत , दर्शनासाठी पुजाऱ्यांना पैसे देऊन दर्शन घेतात . गरीबी कधी कोणावर येईल ते सांगता येत नाही , काहींना श्रीमंतींचा गर्व असतो , पण माज करू नका , सत्ता , संपत्ती प्रारब्धात असेल तरच मिळते . कोणत्या रूपाने साधू , संत , देव येतील , ते आपल्याला कळणार ही नाही . जसे अक्कलकोट ला जसे भक्त दर्शनासाठी जातात , तसेच रांधे येथे भाविक मोठ्या संख्येने येतात . आळस नको आहे , स्वामी आपल्या मागे पुढे कायम उभे राहतील .

चौकट -

   जोरी बंधूंनी अतिशय उत्कृष्ठ पणे मंदीर परिसर व स्टेज वर डेकोरेशन केले , तर टाळकरी , गायक यांनी अत्यंत सुत्र बद्द रित्या नियोजन केल्याने या कार्यक्रमाला मोठे भक्तीमय स्वरूप आले . 

 चौकट -

    आजच्या या स्वामी कथेच्या ३ ऱ्या पुष्पाच्या वेळी भजनात महिला व पुरुष भाविक भक्त अक्षरशः तल्लीन होत मनसोक्त टाळ्या वाजवून , नाचत , गात होते , या कथेमुळे संपूर्ण श्री क्षेत्र रांधे नगरी स्वामीमय झाल्याचे यावेळी दिसून आले .