संघर्षक्रांती वृत्तवेध - श्रीगोंदा 

दि. 24 मार्च 2026

(उज्वला उल्हारे)

श्रीगोंदा तालुक्यातील कर्तव्यदक्ष व प्रामाणिक लेखापरीक्षक म्हणून ओळख असलेल्या संतोष तरटे यांनी आपल्या उत्कृष्ट कार्याच्या जोरावर पुन्हा एकदा सहकार आयुक्त दिपक तावरे तथा निबंधक यांच्या हस्ते राज्यस्तरीय पुरस्कार देऊन गौरविण्यात आले. विशेष म्हणजे, मागील वर्षीही त्यांनी राज्यातून प्रथम क्रमांक मिळवत आपली गुणवत्ता सिद्ध केली होती, आणि आता सलग दुसऱ्यांदा मिळालेल्या या गौरवाने त्यांच्या कार्याची उंची आणखी अधोरेखित झाली आहे.

याशिवाय, आतापर्यंत संतोष जनार्दन तरटे यांना तालुका, जिल्हा आणि राज्य स्तरावर विविध पुरस्कारांनी सन्मानित करण्यात आले आहे. त्यांच्या या उल्लेखनीय यशाची मालिका ही त्यांच्या कर्तृत्वाची साक्ष देणारी असून त्यांनी आपल्या क्षेत्रात एक वेगळी उंची गाठली आहे. विविध संस्थांचे लेखापरीक्षण करताना त्यांनी अनेक वेळा आर्थिक पारदर्शकतेसाठी महत्त्वपूर्ण योगदान दिले आहे. त्यांच्या मार्गदर्शनामुळे अनेक संस्थांचे कामकाज अधिक सक्षम व नियमबद्ध झाले आहे. त्यांच्या या उल्लेखनीय कार्याची दखल घेत राज्यस्तरावर त्यांना पुन्हा सन्मानित करण्यात आले आहे.

संतोष तरटे यांचे हे यश संपूर्ण जिल्हासाठी अभिमानास्पद ठरले असून विविध क्षेत्रांतून त्यांच्यावर अभिनंदनाचा वर्षाव होत आहे. त्यांच्या कार्यातून प्रेरणा घेत तरुणांनी प्रामाणिकपणा आणि कष्ट यांच्या बळावर यश संपादन करावे, असा संदेशही त्यांच्या यशातून मिळत आहे.

संतोष तरटे यांना मिळालेला हा सलग दुसऱ्यांदा राज्यस्तरीय गौरव तसेच आतापर्यंत मिळालेले पुरस्कार हे त्यांच्या समर्पित कार्याचे द्योतक असून भविष्यातही ते अशाच प्रकारे यशाची नवी शिखरे गाठतील, अशी अपेक्षा व्यक्त होत आहे.

लेखापरीक्षण क्षेत्रात अत्यंत बारकाईने, पारदर्शकतेने आणि जबाबदारीने काम करणारे संतोष तरटे यांनी आपल्या कार्यातून विश्वासार्हतेचा एक नवा आदर्श निर्माण केला आहे. आर्थिक शिस्त, नियमांचे काटेकोर पालन आणि अचूक अहवाल सादरीकरण या बाबींमध्ये त्यांनी सातत्याने उत्कृष्ट कामगिरी बजावली आहे. त्यामुळे संबंधित विभागांमध्ये त्यांच्या कामाविषयी विशेष विश्वास निर्माण झाला आहे.

मागील वर्षी राज्यात प्रथम क्रमांक पटकावत त्यांनी आपल्या कार्यक्षमतेची भक्कम छाप उमटवली होती. त्या यशाची पुनरावृत्ती करत यंदाही राज्यस्तरीय सन्मान मिळवणे, ही त्यांच्या सातत्यपूर्ण परिश्रमाची आणि निष्ठेची जिवंत साक्ष ठरली आहे. सलग दुसऱ्यांदा मिळालेला हा सन्मान त्यांच्या कार्यातील दर्जा आणि समर्पण अधोरेखित करणारा आहे.