संघर्षक्रांती वृत्तवेध - श्रीगोंदा 

दि. 4 एप्रिल 2026

पारनेर [ सुरेश खोसे पाटील यांजकडून ] - पारनेर तालुक्यातील एकमेव ग्रामदैवत असलेले निर्मलग्राम व श्री क्षेत्र म्हस्केवाडी येथील श्री गणेश देवस्थान च्या वतीने संकष्ट चतुर्थी उत्सवाचे रविवार दि ५ रोजी मोठ्या उत्साहात आयोजन करण्यात आले असल्याची माहिती देवस्थान ट्रस्टचे अध्यक्ष भाऊसाहेब गोरडे यांनी दिली .

    पारनेर तालुक्यातील गणपती देवस्थानां पैकी एकमेव मोठे व ग्रामदैवत म्हणून प्रसिद्ध असलेल्या निर्मलग्राम व श्रीक्षेत्र म्हस्केवाडी येथील श्री गणेश देवस्थान येथे प्रत्येक संकष्ट चतुर्थी , अंगारक चतुर्थी , अनंत चतुर्दशी , श्री गणेश जयंती या उत्साहाच्या वेळी अहिल्यानगर , पुणे , नाशिक जिल्हयातून श्री गणेशाचे भाविक भक्त मोठ्या संख्येने यथासांग दर्शन घेण्यासाठी नतमस्तक होण्याकरिता येतात .

     रविवार दि . ५ रोजी असलेल्या संकष्ट चतुर्थी उत्सवाच्या निमित्ताने श्री क्षेत्र गणेश देवस्थान च्या वतीने सकाळी ८ ते ९ वाजता ज्येष्ठ मार्नदर्शक पानसरे काकांच्या सुश्राव्य वाणीतून श्री गणेश याग व श्री गणेश अथर्वशीर्ष पठण करण्यात येणार असून महाआरती चंद्रोदय रात्री ९ .४५ वाजण्याच्या वेळी महाआरती चे मानकरी तथा महाप्रसादाचे अन्नदाते सोनवणे , शिंदे , बोबडे , वाघ , लोंढे , हारके , ढवळे व वेताळ परिवाराच्या यांच्या वतीने महाआरती करण्यात येणार आहे .

     यावेळी गावचे सुपुत्र डॉ . रविंद्र सिताराम म्हस्के यांच्या सुविद्य पत्नी सौ . डॉ . सरिता रविंद्र म्हस्के यांची देशाची राजधानी म्हणून ओळखली जात असलेल्या बृहन्मुंबई महानगरपालिकेच्या नगरसेविका पदी व आरोग्य समितीच्या सदस्य पदी निवड झाल्याबद्दल श्री गणेश देवस्थान ट्रस्ट , निर्मलग्राम ग्रामपंचायत , विविध कार्यकारी सेवा सहकारी संस्था , मित्र परिवार , आप्तेष्ट व ग्रामस्थांच्यावतीने भव्य नागरी सत्कार करण्यात येणार असल्याचे ही ट्रस्टचे अध्यक्ष भाऊसाहेब गोरडे यांनी सांगितले .

चौकट - 

    श्री क्षेत्र व निर्मल ग्राम या नावाबरोबरच ग्रामदैवत श्री गणेश देवस्थान म्हणून नावारूपाला आणण्यासाठी श्री गणेश देवस्थान ट्रस्टचे सर्वच पदाधिकारी सातत्याने झटत असतात , त्यांना ग्रामपंचायत , सेवा सहकारी संस्थां चे पदाधिकारी व ग्रामस्थ ही झटून मदत करतात .