संघर्षक्रांती वृत्तवेध - श्रीगोंदा 

दि. 24 मार्च 2026

(उज्वला उल्हारे)

श्रीगोंदा : शनि चौक, श्रीगोंदा येथे देशाच्या स्वातंत्र्यासाठी हसत हसत बलिदान देणारे क्रांतिकारक भगतसिंग, सुखदेव व राजगुरु यांच्या शहादत दिनानिमित्त शहीद दिन अत्यंत भावपूर्ण वातावरणात साजरा करण्यात आला.

यावेळी उपस्थित मान्यवर व नागरिकांनी शहीदांच्या प्रतिमेस पुष्पहार अर्पण करून अभिवादन केले. उपस्थितांकडून मेणबत्त्या लावुन त्यांच्या बलिदानाचे स्मरण करण्यात आले. कार्यक्रमादरम्यान देशभक्तीपर विचार मांडण्यात आले व या महान क्रांतिकारकांच्या त्यागाची जाणीव उपस्थितांना करून देण्यात आली.

कार्यक्रमास प्रमुख उपस्थितीत उपनगराध्यक्षा अलकाताई अनभुले,माजी उपनगराध्यक्ष राजू दादा गोरे, नगरसेवक एम. डी. शिंदे, नगरसेवक राजेंद्र खेडकर सर, कोथंबीरे काका, अल्हाट तसेच भा.ज. पा.नेते राजेंद्र उकांडे  आदी मान्यवर उपस्थित होते.

सदर शहीद दिवस अभिवादन कार्यक्रम इंजि. शामभाऊ जरे, दिलीप लबडे, सुनिल गायकवाड सर व संतोष आरडे (मेजर) यांच्या पुढाकारातून आयोजित करण्यात आला.

या कार्यक्रमास विविध सामाजिक संघटनांचे पदाधिकारी, युवक व नागरिक मोठ्या संख्येने सहभागी झाले होते. शहीदांच्या कार्यातून प्रेरणा घेऊन देशसेवेचा संकल्प यावेळी करण्यात आला.