संघर्षक्रांती वृत्तवेध - श्रीगोंदा 

दि. 4 मार्च 2026

(उज्वला उल्हारे)

वांगदरी: तांदळी दुमालाचे लोकनियुक्त सरपंच संजय निगडे आण्णा यांनी वांगदरी ग्रामपंचायतीला सदिच्छा भेट दिली असता त्यांचा ग्रामपंचायतीच्या वतीने सरपंचांनी शाल व श्रीफळ देऊन सन्मानपूर्वक सत्कार केला.

यावेळी गावाच्या विकासकामांबाबत सकारात्मक चर्चा करण्यात आली. परस्पर सहकार्याच्या माध्यमातून ग्रामविकास अधिक गतिमान करण्याचा निर्धार व्यक्त करण्यात आला. ग्रामपंचायत पदाधिकाऱ्यांनी संजय  निगडे आण्णा यांच्या नेतृत्वाखाली तांदळी दुमाला येथे राबविण्यात येणाऱ्या विविध उपक्रमांचे कौतुक केले.

या प्रसंगी भाजपा जिल्हा उपाध्यक्ष संदीप सर नागवडे, माजी सरपंच  महेश शेठ नागवडे, संजय काका नागवडे,  तुकाराम नागवडे, माजी ग्रामपंचायत सदस्य  महादेव देरेकर तसेच ग्रामस्थ उपस्थित होते.

कार्यक्रमाचे वातावरण उत्साहपूर्ण व आपुलकीचे होते. ग्रामविकासासाठी अशा भेटी-गाठींमुळे विचारांची देवाणघेवाण होऊन दोन्ही गावांतील विकासाला नवी दिशा मिळेल, असा विश्वास यावेळी व्यक्त करण्यात आला.